សេចក្ដីជូនដំំណឹង ស្តីពីការកែសម្រួលលក្ខខណ្ឌធ្វើដំណើរចូលមកប្រទេសកម្ពុជា ការអនុវត្តវិធានការសុខភិបាល និងការធ្វើចត្តាឡីស័ក
យោងតាម សេចក្ដីជូនដំំណឹង ស្តីពីការកែសម្រួលលក្ខខណ្ឌធ្វើដំណើរចូលមកប្រទេសកម្ពុជា ការអនុវត្តវិធានការសុខាភិបាល និងការធ្វើចត្តាឡីស័ក រាជរដ្ឋាភិបាលកម្ពុជាសម្រេចកែសម្រួលយន្តការមួយចំនួនក្នុងការអនុវត្តវិធានការសុខាភិបាល និងការអនុវត្តយន្តការធានា (Sponsorship Mechanism) ដូចជា៖
- ចំពោះអ្នកដំណើរបរទេសជាវិនិយោគិន-ធុរជា បុគ្គលិកក្រុមហ៊ុន អ្នកជំនាញការ និងអ្នកបច្ចេកទេស មកពីប្រទេសចិន ជប៉ុន កូរ៉េខាងត្បូង វៀតណាម ថៃ សហរដ្ឋអាមេរិក និងសហគមន៍អឺរ៉ុប ដែលទទួលបានការធានា ត្រូវមានឯកសារដូចជា វិញ្ញបនបត្របញ្ជក់សុខភាពចេញដោយអាជ្ញាធរសុខាភិបាលថាគ្នានជំងឺកូវីដ-១៩ ក្នុងរយៈពេល៧២ម៉ោងមុនពេលចេញដំណើរ លិខិតបញ្ជាក់លើការធានាទូទាត់សងប្រាក់ ដែលចេញ និងទទួលស្គាល់ដោយរាជរដ្ឋាភិបាលកម្ពុជា ទិដ្ឋាការដែលមានសុពលភាព ហើយនឹងត្រូវតាមយន្តការចែងក្នុងសេចក្តីជូនដំណឹង ពេលមកដល់អាកាសយានដ្ឋានអន្តរជាតិកម្ពុជា។
- អ្នកដំណើរជាជនបរទេសទូទៅ ដែលបានធ្វើដំណើរមកដល់ប្រទេសកម្ពុជាត្រូវ អនុវត្តការធ្វើចត្តាឡីស័កពេញលេញ ដាក់ប្រាក់តម្កល់ចំនួន ២ ០០០ ដុល្លារអាមេរិក ទិញសេវាធានារ៉ាប់រងសុខភាព និងធ្វើតេស្តក្នុងករណីសង្ស័យ និងនៅថ្ងៃទី១៣ នៃចត្តាឡីស័ក។
- អ្នកដំណើរបរទេសជាមន្ត្រីការទូត និងអង្គការអន្តរជាតិ ដែលកាន់ទិដ្ឋាការការទូតប្រភេទ A និងទិដ្ឋាការផ្លូវការប្រភេទ B ដែលបានធ្វើដំណើរមកដល់ប្រទេសកម្ពុជា ត្រូវអនុវត្តតាមសេចក្ដីជូនដំណឹង ស្តីពីការកែសម្រូលវិធានការសុខាភិបាលសម្រាប់អនុវត្តចំពោះមន្ត្រីការទូតនិង អង្គការអន្តរជាតិដែលកាន់ទិដ្ឋាការការទូតប្រភេទប្រភេទ A និងទិដ្ឋានការផ្លូវការប្រភេទ B។
- អ្នកដំណើរជាជនជាតិខ្មែរ ដែលប្រើប្រាស់លិខិតឆ្លងដែនកម្ពុជា ឬលិខិតឆ្លងដែលបរទេស ដែលបានធ្វើដំណើរមកដល់ប្រទេសកម្ពុជា ត្រូវអនុវត្តការធ្វើចត្តាឡីស័កពេញលេញ មិនដាក់ប្រាក់តម្កល់ និងទិញសេវាធានារ៉ាប់រងសុខភាព និងធ្វើតេស្តក្នុងករណីសង្ស័យ និងនៅថ្ងៃទី១៣ នៃចត្តាឡីស័ក។
- ការប្រើប្រាស់ទីតាំងសម្រាប់ស្នាក់នៅរង់ចាំលទ្ធផលធ្វើតេស្តរកមេរោគកូវីដ-១៩ លើកទី១ និងការធ្វើចត្តាឡីស័ក។
ក្រសួងសុខាភិបាល
